Смешната страна на животот

Велат дека ако во едно општество не е развиен хуморот и потсмевањето со самите себе, тогаш не ја бива работата. Карикатурата ја врши токму таа функција – огледало во кое се гледаме сите ние, собрани во едно трло и водени од „демократијата“. Порано во весниците една од редовните рубрики беше резервирана токму за карикатуристите. На тој начин се прославил и американскиот илустратор Гери Ларсон, еден од моите омилени поради фантастичниот и прониклив хумор кој ни го дава само во еден цртеж, проследен со минимален коментар. На фан страната на Фејсбук насловена „The Far side“ (според неговата истоимена книга) може да се најдат еден куп генијални карикатури не само од Ларсон, туку и од неговите колеги Марк Паризи, Дејв Блажек…), кои, се надевам, слатко ќе ве изнасмеат. Ова е мојот избор 😉

Гери Ларсон е американски карикатурист, екологист и поранешен музичар. Тој е креатор на „Далечната страна“, цртан серијал во еден панел кој беше објавуван на меѓународно ниво во повеќе од 1.900 весници дури петнаесет години. Серијата заврши со пензионирањето на Ларсон на 1 јануари 1995 година. Уживајте 😉