Архива за категоријата: Филм

Филмската критика кај нас не функционира како што би требало, но се обидувам сето тоа да изгледа пристојно, будно следејќи и пишувајќи за случувањата во македонската кинематографија, но и пошироко. Во оваа рубрика со неколку подрубрики ќе прочитате се’ што успеав да проследам во изминатите две декади, откако ја следам Седмата уметност, со напомена дека најголемиот дел од текстовите се интегрален дел од моите две филмски книги, „Филм.мкд“ и „Филмски град“, а дел од нив се објавувани и на веб страните kritika.mk, kinoteka.mk и сл.

Перцепцијата на Кишловски за европскиот филм

Деновиве уживам во книгата која ја добив во Варшава од организаторите на филмскиот фестивал „Millenium Docs Against Gravity“, откако им се пожалив дека не можам да најдам ДВДја од филмовите на Кишловски, иако ги има онлајн. Откако се самопрогласив за old-school, на рецепција пред одјавување од хотелот во кој престојував ме чекаше ова прекрасно издание, како убав сувенир и сеќавање на престојот во Варшава. Во него се собрани еден куп сеќавања и анегдоти за ликот и делото на Кшиштоф Кишловски од неговите пријатели, соработници и животни сопатници.

Читај повеќе →

Кон „Лисица под розево небо“, ФИПРЕСЦИ-лауреат на „MDAG“ во Варшава

„Убавината ќе го спаси светот“, рекол славниот Достоевски. Но дали благородноста на уметноста може да спаси нечиј индивидуален живот? Вечното прашање околу кое низ историјата се кршеле многу копја добива голем позитивен и потврден одговор во филмот „A Fox under a pink moon“, лауреат на наградата „Фипресци“ на 23-тото издание на фестивалот „Millennium Docs Against Gravity“ во Варшава. Во силна конкуренција на еден од најценетите европски фестивали за креативна документаристика, филмот на Soraya Akhalaghi и Mehrdad Oskouei се издвои од останатите остварувања поради сликите кои потоа уште долго остануваат во вас.

Читај повеќе →

FIPRESCI review: A Fox Under a Pink Moon

in 23rd Millennium Docs Against Gravity Film Festival by Igor Angjelkov

At the 23rd edition of Millennium Docs Against Gravity in Warsaw, the FIPRESCI Award went to A Fox Under a Pink Moon, a documentary by Iranian filmmakers Soraya Akhalaghi and Mehrdad Oskouei. Through phone footage, animation, and deeply personal testimony, the film transforms one Afghan girl’s refugee journey into a powerful reflection on art, survival, and human dignity.

Читај повеќе →

Двојните кански лауреати

Синоќа на затворањето на 79-тото издание на филмскиот фестивал во Кан беа доделени наградите за најдобрите. Колегите од „ФИПРЕСЦИ“ наградата му ја доделија на филмот „Фјорд“ на романскиот режисер Кристијан Мунџиу, кој ја доби и главната фестивалска награда, „Златната палма“. Со тоа претставникот на „новиот романски бран“ во европската кинематографија влезе во групата на двојни лауреати на „палмата“, станувајќи вкупно деветтиот нејзин добитник. Знаете ли кои се другите осум величествени? За нив, во продолжение на текстот.

Читај повеќе →

Наградата „ФИПРЕСЦИ“ за филмот „Лисица под розева месечина“

Синоќа во Варшава, на затворањето на 23 издание на фестивалот „Millennium Docs against gravity“, беа доделени наградите за најдобрите документарни филмови. Во силна конкуренција од 12 актуелни остварувања, со колегите Силвија Шостак и Барт Арментано, како претставници на „ФИПРЕСЦИ“ жирито, едногласно решивме наградата од нашето здружение да му ја доделиме на документарниот филм „Лисица под розева месечина“ на тандемот Мердад Оскојеи и Сораја Акалаги. Во продолжение е нашето образложение за оваа одлука.

Читај повеќе →

Македонски краток филм

Во рамките на проектот „Македонски филм. На големо платно“ на Агенцијата за филм, во понеделник, на 11 мај, публиката бесплатно ќе може да проследи четири репрезентативни куси домашни остварувања: „Човекот со чудна навика да ме мава со чадор по глава“ на Вардан Тозија, „Намини бар еднаш“ на Косара Митиќ, „Борба за смрт“ на Елеонора Венинова и „Пепи и Муто“ на Георги Унковски. Се разбира, бесплатно, со почеток во 19 часот!

Читај повеќе →

Историски ФИПРЕСЦИ момент на отворањето на “MDAG” во Варшава

Со филмот “Closure/Без крај” на полскиот автор Михал Марчак, синоќа во Варшава почна 23 издание на фестивалот на креативна документаристика “Millenium Docs Against Gravity”, вториот европски фестивал по значење во овој жанр, по оној во Амстердам. Ова беше историски момент за интернационалното здружение на филмски критичари FIPRESCI, бидејќи за прв пат ја доделувавме наградата за најдобар документарен филм.

Читај повеќе →

Убавината на македонската кинематографија лежи во еклектичноста на гласовите кои ги негува

Агенцијата за филм во рамките на одбележувањето на своето двецениско постоење со подарок за филмофилите – бесплатни проекции на врвни македонски наслови. Секој понеделник „Синеплекс“ стана новото зборно место за сите генерации. Со проекција на „Панкот не е мртов“, „Хомо“,, „Avec L’amour“ и „Господ постои, името и’ е Петрунија“ се направи една ретроспектива на современата македонска кинематографија, а македонскиот филм се врати таму каде што припаѓа – на големото платно.

Филмскиот критичар Игор Анѓелков пред проекциите разговараше со авторите, а овој пат со него ја анализираме важноста на кино-културата и зошто е клучно домашната продукција да комуницира директно со својата публика, значењето на овој проект, но и за состојбата на македонската седма уметност денес…

Читај повеќе →

Avec L’Amour

Во понеделник во 18 часот продолжува иницијативата на Агенцијата за филм македонските оствaрувања да се гледаат онаму кадешто припаѓаат, на големото платно. По минатонеделниот успешен старт со „Панкот не е мртов“, кој прослави 15-годишнина од премиерата, овој пат следи филм од жанрот на креативната документаристика. „Avec L’Amour“, или „Со љубов“ на режисерот Илијa Цветковски е правен токму со неизмерна љубов кон човекот и неговaта страст и посветеност кон пасијата што ја поседува, бидејќи животот e краток и го прават поднослив за живеење оние мали нешта што несебично си ги дозволуваме. А што друго ни преостанува во овој луд, луд свет!?

Читај повеќе →

Македонски филм. На големо платно.

Своето јубилејно, дводецениско постоење, Агенцијата за филм го зачинува со проектот насловен „Македонски филм. На големо платно“, во чии рамки секој понеделник од 18 часот, во соработка со „Синпелекс“, македонската публика ќе има можност онаму кадешто тоа и треба да се случува, во затемнетата сала и на сребрениот екран, да ги погледне (речиси) сите македонски остварувања кои во изминатите декади ја претставуваа нашата мала, но цврста кинематографија низ светските меридијани. И сето тоа – БЕСПЛАТНО! Ова е одлична можност за публиката од различни генерации, на едно место, да ги доживее македонските остварувања во сиот свој сјај, а потоа да дискутира за нив и да продолжи со дружбата до доцните часови, бидејќи понеделник е таков ден, нема многу содржини низ Скопје, па овој термин е совршена провокација да се излезе со пријателите и БЕСПЛАТНО да се ужива во седмата уметност создадена од домашните филмаџии.

Читај повеќе →
  1. Страница:
  2. 1
  3. 2
  4. 3
  5. 4
  6. 5
  7. 6
  8. 7
  9. ...
  10. 52