Во октомври 2013 година во Даут пашиниот амам, на влезот од Старата скопска чаршија, се одржа прекрасна изложба насловена „110 години од раѓањето и 40 години од смртта на Никола Мартиноски (1903-1973)“, на која освен сликите на маестрото, беа претставени и по неколку дела од повеќе македонски уметници како Лазар Личеновски, Димитар Пандилов Аврамовски, Томо Владимирски, Борислав Траиковски, Спасе Куновски, Вангел Коџоман… негови современици и ревносни чинители на современата македонска уметничка сцена во 20 век.
