Прекрасна беше таа шесто-септемвриска вечер. Дојдоа драги луѓе кои тие два-три часа си поминаа убаво во МКЦ Клуб ресторанот, на крајот заминувајќи со големи насмевки на лицата кои оддаваа задоволство. И реакциите по неколку дена само ја потврдуваа оваа констатација. Имавме топ промотори (Ана Мартиноска и Владимир Мартиновски) и потентен скопски пост-панк бенд кој квалитетно не’ размрда (Хајка). Па што би посакале повеќе?
КОМАРЕЦ СО СЛУХ
Утрово преку мобилниот ми стигна одлично тазе хаику од еден пријател: Еј комарецу, / дај прво да заспијам, / потоа касај. Можеби не би инсистирал да го цитирам, ако не стигнеше баш во моментот кога го чистев ѕидот.
Во октомври 2013 година во Даут пашиниот амам, на влезот од Старата скопска чаршија, се одржа прекрасна изложба насловена „110 години од раѓањето и 40 години од смртта на Никола Мартиноски (1903-1973)“, на која освен сликите на маестрото, беа претставени и по неколку дела од повеќе македонски уметници како Лазар Личеновски, Димитар Пандилов Аврамовски, Томо Владимирски, Борислав Траиковски, Спасе Куновски, Вангел Коџоман… негови современици и ревносни чинители на современата македонска уметничка сцена во 20 век.
