„Убавината ќе го спаси светот“, рекол славниот Достоевски. Но дали благородноста на уметноста може да спаси нечиј индивидуален живот? Вечното прашање околу кое низ историјата се кршеле многу копја добива голем позитивен и потврден одговор во филмот „A Fox under a pink moon“, лауреат на наградата „Фипресци“ на 23-тото издание на фестивалот „Millennium Docs Against Gravity“ во Варшава. Во силна конкуренција на еден од најценетите европски фестивали за креативна документаристика, филмот на Soraya Akhalaghi и Mehrdad Oskouei се издвои од останатите остварувања поради сликите кои потоа уште долго остануваат во вас.
