Една година по изложбата „Духовите на Африка“, во просторот на Музејот на РСМ имаме можност да присуствуваме на уште една концептуална изложба поврзана со „црниот континент“. Овој пат авторите Гоце Наумов и Никос Чаусидис ја продлабочуваат темата, и за прв пат на едно место ја прикажуваат исконската поврзаност помеѓу Македонија и Африка, која започнува во предисторијата и трае до ден-денес.
