Вчера мојата приказна „Некролог“ од збирката раскази „Двојна експозиција“ ја објави германскиот магазин „Literatur review“. Расказот може да се прочита на дури пет јазици: француски, англиски, шпански, арапски (!) и, се разбира, на германски јазик, во превод на Ксенија Чочкова.
Премиера на „Деца на сонцето“ во кино „Милениум“, третото целовечерно остварување на режисерот Антонио Митриќески + преглед на актуелните филмски остварувања во светската кинематографија.
Во ова издание на магазинот ја проследивме првата клапа на деби филмот „Три дена во септември“ на Даријан Пејовски, како и лауреатите на 35 издание на „Браќа Манаки“.
Лека-полека стигнавме и до една фина бројка, 500-тата филмска емисија, која како што доликува, ја посветивме на легендарната „Француска Кинотека“ во Париз, која бевме во можност да ја посетиме во летото 2012 година.
Најголем предизвик при реализацијата на филмскиот магазин „Филмополис“ ми беа тематските емисии. Во архивата го лоцирав изданието број 423, во кое сум го портретирал холивудскиот вундеркинд Тим Бартон. Причината беше посетата на неговата прекрасна изложба во француската Кинотека, а башка што таа 2012 година беше актуелен дури со две целовечерни остварувања. Лудак!
Со голема чест и задоволство го најавувам гостувањето на мајсторот на непрофесионалниот филм, кој, интересно, по долги години зад камерата, го сними својот прв професионален филм. Покрај Сидо, гостин во магазинот е и продуцентот на „Образ“ Александар Зиков.
Премиерата на деби филмот на Сашо Павловски и церемонијата на Оскарите во вечерашниот филмски магазин на ТВ Телма.
Интервју со сценаристот и режисер Милчо Манчевски по повод премиерата на неговото ново остварување „Мајки“.
