Авторска архива: Игор Анѓелков

Симон Кјер

Синоќа Данците ни скратија уште еден мундијалски сон, се разбира, сосема заслужено победувајќи. Штета за генерацијата која во минатите години не’ радуваше со низа успеси, вклучувајќи го и првото учество на Европско првенство. Синоќа на натпреварот во Копенхаген, во 73 минута во игра влезе Кристијан Ериксен, кој ме изненади што се’ уште игра. Дознавме дека сега e во Волфсбург во Бундеслигата. Веднаш по влегувањето, од корнер го „намести“ четвртиот, и последен гол за Данците. Сето тоа ме потсети на неговата приказна од пред неколку години, и на една фотографија која ми остана во сеќавањата.

Читај повеќе →

Булат Окуџава. Мерси, Вијон и мистериите на орга(ни)змот

Деновиве се забавував читајќи еден роман од Булат Окуџава кој долго време е дел од домашната библиотека, но спаѓаше во оние книги за кои постојано велиш „аха, да, дефинитивно ти си следен на ред“. И така минуваа години и години, и „Мерси…“ конечно дојде на ред! Си велам, можеби така и требало, бидејќи којзнае на кој начин ќе го доживеев романот ако го прочитав пред десет или петнаесет години. Овој руски автор сепак бара одредена зрелост, и драго ми е што се сретнавме токму тогаш кога треба.

Читај повеќе →

Реиздание на „Ветрилиште“

Се радувам што денес од печат излезе второто издание на „Ветрилиште“, откако последниот примерок од првото издание од ноември 2024 година се продаде неодамна. За разлика од оригиналното издание, кое беше јубилејна десетта објавена книга, па си доби тврд повез и внатрешно шиење за да биде незаборавна, овој пат романот е објавен во мек повез во едицијата „ПРОаЗА“ на ИЛИ-ИЛИ под редниот број 247.

Читај повеќе →

Кон претставата „Ова е само крајот на светот“ во Драмски театар

По поставувањето на „Фамилијата Адамс“ на репертоарот на Драмскиот театар, претстава со која режисерката Теа Беговска ни покажа колку во меѓувреме светот се изменил и ненормалното станало нормално, а нормалното – ненормално, сето тоа доловено и низ одличните визуелизации на Никола Пијанманов на сцената, таа со новата премиера го истражува нуклеусот на семејството, местото од каде што потекнуваат сите болки и насмевки на светот.

На денот на пролетта, 21 март, имав можност да ја погледнам на театарската сцена во Скопје, две седмици по нејзината премиера. Овој драмски текст на францускиот автор Жан-Лик Лагарс, во превод и адаптација на Беговска, функционира совршено во времиња како денешниве, кога зад аголот како навистина да се наѕира крајот на светот, а распнатоста од сите страни од нас создава ѕверови кои не гледаат подалеку од сопственото „јас“, се’ потешко искажувајќи ја вистината која гори во градите.

Читај повеќе →

Пролет

Сликата „Пролет“ (околу 1480) од Сандро Ботичели е комплексна, алегориска слика што ги слави пролетта, љубовта и плодноста, веројатно создадена за свадбата на Медичи. Таа прикажува девет фигури од класичната митологија како напредуваат по цветен тревник во шума од портокали и ловорови дрвја, вклучувајќи ги Венера, Флора и Трите Грации – што претставуваат премин од сурова страст (Зефир/Хлорис) кон цивилизирана љубов и божествена убавина, отелотворувајќи ги ренесансните неоплатонски идеали.

Читај повеќе →

Брчки

Вчера во Македонската академија на науките и уметностите беше објавен годинашниот добитник на наградата „Златен венец“ на „Струшките вечери на поезијата“, холандската поетеса Анеке Брасинга. По нејзиното претставување следеше поетско читање по повод 21 март, „Светскиот ден на поезијата“, на кое настапија членови на Македонскиот ПЕН Центар и на Друштвото на писателите на Македонија. Бидејќи ја имав таа чест за прв пат да настапам во тој простор, напишав нова песна, насловена „Брчки“.

Читај повеќе →

„Ништо нормално“ од Симона Јованоска

Денеска од печат излегува новата книга од Симона Јованоска насловена „Ништо нормално“, како 246 издание во популарната едиција „ПРОаЗА“ на ИЛИ-ИЛИ. По дебито „Ги најдов во длабокото“ (2015), ова е втора збирка со раскази на авторката, откако во меѓувреме објави и два романи, „Денот на црвот“ (2021) и „Леска Брезоска“ (2024).

Читај повеќе →

Кон Оскаровецот „Една битка по друга“ на Пол Томас Андерсон

Членовите на американската филмска академија отсекогаш љубеле да фаворизираат сѐамерикански филм на кој ќе му ги дадат сите почести. Доколку годината „не се погоди“, можеме да очекуваме и некое изненадување, но оваа година тие имаа џокер во ракавот, бидејќи филмот „Една битка по друга“ на Пол Томас Андерсон содржи сѐ што може да се посака, а притоа да има предзнак „американско“. Овој бизарен акционен трилер кој иако е развлечен и раздолжен по сите напоредници и меридијани, сепак не можете да престанете да го гледате затоа што е мајсторски направен, според сите стандарди на американското меинстрим кино. Филмот мудро ја користи сатирата за да проговори за актуелните состојби во кои живееме, а за пораките што ги носи, во продолжение на текстот.

Читај повеќе →

Кон романот „Необјавен фељтон“ од Владимир Илиевски

По завршувањето на уште една приказна поврзана со наградата „Роман на годината“, би сакал повторно, како и во претходниот случај со романот „Арагон“ на Михајло Свидерски, да се осврнам на книгите кои тивко и речиси незабележително, но сосема заслужено, го градат својот пат до вистинските читатели. Овој пат станува збор за романот „Необјавен фељтон“ на Владимир Илиевски, кој како и претходниот „Суво мастило“ (2020) (и обата во издание на „Македоника литера“), сосема заслужено беа финалисти за наградата на Фондацијата „Славко Јаневски“.

Читај повеќе →

Се појавуваат… и исчезнуваат… „The Young Gods“ во Скопје

По две ипол декади, фантастичниот швајцарски индустријал рок бенд „The Young Gods“  повторно гостува во нашиот град, во рамките на европската турнеја „Appear disappear“ која солидно ја затераа уште од минатата година, по излегувањето на актуелниот истоимен албум на 27 март. За таа цел, батко Игор навреме го нарача ЛП-то од нивниот сајт, и со пресметаното заглавување во нашата пошта од минимум два месеци, некаде по новогодишните празници константно уживам во новиот материјал, подготвувајќи се за настапот во живо. Билетот веќе одамна е купен, а концертот ете го, се приближува, во сабота, во 21 часот, во МКЦ. Благодарност „Password production“! Can’t wait!!!

Читај повеќе →
  1. Страница:
  2. 1
  3. 2
  4. 3
  5. 4
  6. 5
  7. 6
  8. 7
  9. ...
  10. 139