Голема благодарност до сите драги луѓе кои одвоија време и ми укажаа чест со присуството на промоцијата на мојата нова книга „Двојна експозиција“.
Фото галерија од промоцијата на „Двојна експозиција“
Напишете коментар
Архива за категоријата: Моите книги
„Двојна експозиција“ во „Слободна Европа“
За време на својот работен век во „Слободна Европа“, новинарот и долгогодишен колега и пријател Љупчо Јолевски редовно објавуваше текстови за активностите на ИЛИ-ИЛИ на издавачки план, а секако, тука беше и покривањето на мојата прозна и филмско-есеистичка активност со години наназад. Работите така се погодија пред и официјално да замине во пензија, Јолевски да напише текст и за излегувањето на збирката раскази „Двојна експозиција“, како прекрасно заокружување на нашата долгогодишна соработка.
Промоција на збирката раскази „Двојна експозиција“
Драги пријатели, Ве поканувам на промоцијата на мојата нова книга, збирката раскази “Двојна експозиција“, која излезе на 22 август.
За промотивната вечер во МКЦ Клуб ресторанот имаме вистинска all star екипа: промотори се почитуваните Ана Мартиновска и Владимир Мартиновски, кои воедно беа и првите читатели на ракописот и чии драгоцени сугестии ми помогнаа да ја финиширам збирката на најдобар можен начин, а вечерта музички ќе ја зачини актуелниот и потентен скопски бенд „Хајка“.
„Двојна експозиција“, промотивно
Драги пријатели, со задоволство го најавувам излегувањето на мојата нова прозна книга, збирката раскази “Двојна експозиција”. Овие приказни одамна ги носев во себе, дел од нив имаа потенцијал за роман, но сепак се одлучив за компактна збирка раскази, во која низ 12-те приказни раскажувам за растењето, созревањето, бизарноста, кризата на средните години и умирањето. Некако чувствувам дека ќе ви се допаднат, зашто ги напишав со кеиф и од срце 
Се гледаме од денес во книжарница… но пред тоа, да видиме што вели издавачката куќа 
„Филмотопија“ – Најавна шпица
По „ФИЛМ.МКД“ (2015) и „Филмски град“ (2018), природно се наметна излегувањето и на третата книга со филмска есеистика, која ја пишував и објавував на мојот блог-сајт „herojnaedenden.mk“. Со „Филмотопија“ на најдобар можен начин ја заокружувам трилогијата посветена на филмот, тој термин толку типичен во поновата историја на седмата уметност. Со трите книги ја покривам речиси целата македонска продукција, но и она што како новина и тенденција се случуваше на светски план во новиот милениум, со што се надевам дека овие изданија претставуваат драгоцен издавачки придонес кај нас, особено ако знаеме дека вакви книги што на особен начин ја третираат филмската уметност се вистинска издавачка реткост.
„Филмотопија“, промотивно
Денес, сабота, 16 април, од печат излегува книгата со филмска есеистика „Филмотопија“ од Игор Анѓелков, со што авторот на најдобар можен начин ја заокружува трилогијата составена и од книгите „ФИЛМ.МКД“ (2015) и „Филмски град“ (2018), сите во издание на „ИЛИ-ИЛИ“. Анѓелков продолжува ревносно да ја следи филмската продукција кај нас и во светот, и низ рецензентски и есеистички осврти на публиката навремено ѝ нуди увид во случувањата во филмската уметност.
Кон романот „Фото синтеза“ од Игор Анѓелков
Вчера се продаде последниот примерок од второто издание на ФОТО СИНТЕЗА, кон кој Наталија Наумовска на блогот КРАЈБРЕЖЈЕ се осврна токму – вчера. Фина коинциденција. Убаво е кога книгата живее толку долго, дури осум години по нејзиното издавање. Благодарност до авторката за рецензијата: лична, прецизна, едноставна – како и самата приказна.
Три години во Македонија: Хибридно писмо до Игор Анѓелков
Да се замине или да се остане?
Постојано преиспитување преку монолог со себе и дијалог со Другиот, како докази за моќта на книжевноста и продолжување на животот на книгата и по година ипол од нејзиното излегување. Никола Стиков со месеци ми навестуваше осврт кон книгата, и синоќа конечно тоа и се случи!
Краток осврт кон „Шрапнел’
Во конкуренција од 41 пријавени романи, „Шрапнел“ влезе во третиот круг со уште осум други книги. По секоја селекција, најтранспарентниот член на жирито, Живко Гроздановски, на својот блог-сајт „Булевар Ослободување“ објавуваше кратки осврти за книгите кои отпаднаа од конкуренција. Еве ги неговите импресии за „Шрапнел“ по гласањето за петте книги кои влегоа во финалниот круг за „Роман на годината“ на Фондацијата „Славко Јаневски“:
Тангенцијално за неизвесноста и несигурноста
(Кон романот „Шрапнел“ на Игор Анѓелков во издание на Или-Или, Скопје, 2020 година)
По една година од излегувањето на „Шрапнел“, и Сашо Огненовски се осврна кон романот и она што го испровоцирало.
