Таг архива: ИЛИ-ИЛИ

„Недостоинство“ од Леа Ипи

Деновиве од печат излезе нова книга од Леа Ипи. По „Слобода“ во 2024 година, овој пат на македонски јазик ја читаме “Недостоинство“, со поднаслов „одново измислен живот“, во превод на Кристина Димкова, а во издание на „Или-Или“.

Читај повеќе →

„што барам во оваа недојдија“, најава

Сите ние дома имаме еден куп книги положени таму-ваму низ просторот што чекаат да ги голтнеме. И се’ почесто се случува паралелно да читаме по неколку од нив.

Но кога последен пат сте прочитале вистинска книга? Роман кој во текот на читањето поттикнува многу размислувања, отвора многу прашања и нема да ве остави спокојни? И кога конечно ќе го завршите, ќе се прашате: како сум? Подобар/подобра? Посилен/посилна? Дали се сменив, или сум истиот/истата пред да почнам да ја читам книгата? Што е тоа што ми влезе под кожата?

Читај повеќе →

„Коулун, заградениот град“ од Јана Узунова

Денес од печат излезе новиот роман на Јана Узунова насловен „Коулун, заградениот град“, како јубилејно, 250-то издание во популарната едиција „ПРОаЗА“ на издавачката куќа „Или-Или“. По првенецот „Вергина“ од 2019 година, авторката продолжува да ни „подарува“ интригантни книги со автентичен печат, несвојствени за македонската книжевна сцена.

Читај повеќе →

„Дријади“ пред читателите

Драги пријатели и читатели,

со радост Ве информирам дека од денес „Дријади“ е достапна за сите љубители на добрата проза. Тринаесеттата објавена книга која, според суеверието, никако не значи лоша среќа, туку напротив, отворање на една нова врата, нов свет во кој уживав да престојувам додека пишував. Ова е мојата прва книга за деца и млади, која може да ја читаат и возрасните кои ревносно го негуваат „детето во себе“.

Читај повеќе →

„Есента на животот“ од Бернхард Шлинк

И после две декади, се’ уште држи возбудата кога се подготвува нов превод на роман од Бернхард Шлинк. Едноставно, овој германски мајстор на пишаниот збор е вистинска константа, и нема лоша книга. По антологискиот „Читачот“, тој не’ збогати со многу нови искуства преку објавените романи и збирки раскази, бидејќи Шлинк е длабок проникнувач во светлите и темните одаи на човековата психологија. Преводот на македонски јазик е на добриот познавач на неговата книжевна естетика и долгогодишен соработник на ИЛИ-ИЛИ, почитуваната Ксенија Чочкова. „Есента на животот“ од денес е достапна за читателите 😉

Читај повеќе →

Реиздание на „Ветрилиште“

Се радувам што денес од печат излезе второто издание на „Ветрилиште“, откако последниот примерок од првото издание од ноември 2024 година се продаде неодамна. За разлика од оригиналното издание, кое беше јубилејна десетта објавена книга, па си доби тврд повез и внатрешно шиење за да биде незаборавна, овој пат романот е објавен во мек повез во едицијата „ПРОаЗА“ на ИЛИ-ИЛИ под редниот број 247.

Читај повеќе →

„Ништо нормално“ од Симона Јованоска

Денеска од печат излегува новата книга од Симона Јованоска насловена „Ништо нормално“, како 246 издание во популарната едиција „ПРОаЗА“ на ИЛИ-ИЛИ. По дебито „Ги најдов во длабокото“ (2015), ова е втора збирка со раскази на авторката, откако во меѓувреме објави и два романи, „Денот на црвот“ (2021) и „Леска Брезоска“ (2024).

Читај повеќе →

Нови изненадувања за нови поколенија

Поговор кон реизданието на „Писма“ од Игор Исаковски (ИЛИ-ИЛИ, 2026)

Почетокот на последната деценија во 20 век беше катарзичен. Истовремено финишираа 80-те години, кои за многумина на овие, регионални простори беа „рајот на земјата“, со една од најсилните европски музички сцени и генерално безгрижното живеење и патување со црвениот пасош каде и да ви текне, а започнуваа крвавите 90-ти години на Балканот кои ќе го ослободат притаеното зло и за кои, од оваа дистанца, знаеме како ќе завршат – со илјадници невини жртви. Како увертира на босанската приказна, во 1989 година на телевиските екрани, во живо, ја следевме автентичната романска револуција низ улиците на Букурешт, додека во Берлин се рушеше ѕидот како најава на почетокот на крајот на неколкудецениската блоковска „студена војна“ меѓу Истокот и Западот.

Читај повеќе →

Реиздание на „Писма“ од Игор Исаковски

Почитувани,

Со радост го најавувам реизданието на „Писма“, првата прозна објава на Игор Исаковски од 1991 година, книгата која е една од главните „виновници“ да почнам и да продолжам да пишувам. „Писма“ и понатаму останува најскопската книга што сум ја прочитал досега.

Читај повеќе →

„108×108“ на Весна Крмпотиќ

Не знам дали знаете, но на полиците во „ИЛИ-ИЛИ“ може да се најде примерок од официјално најголемата стихозбирка во светот. Се работи за поетската книга „108×108“ на славната писателка и преведувачка Весна Крмпотиќ, објавена од загрепскиот издавач „Профил интернационал“ во 2006 година во тираж од 1000 примероци.

Читај повеќе →