Легендарниот дарк-вејв бенд со нов материјал во меѓупросторот на Радио Равел, но и Телевижн и Бернајс пропаганда. Внимавајте – добра музика!
Bauhaus во „Мезанин“
Напишете коментар
Nouvelle vague Live in Skopje во „Мезанин“
Повторно францускиот кавер бенд во фокус на меѓупросторот на Радио Равел. Пред тоа, малку актуелна мкд музика 😉
Пролетни скопски музички настани во „Мезанин“
Медли емисија со информации за случувањата на скопската концертна сцена, и секако, еден куп добри музики.
„Златна палма“ за најстариот режисер во светот
Покрај сиот гламур кој од 14 до 25 мај беше присутен на 61 издание на Канскиот филмски фестивал, на кој вообичаено најголем интерес предизвикуваат филмовите во официјалната селекција за наградите, особен интерес имаше и за придружните настани, не помалку интересни од симпатичните пушачки испади на јавни места на претседателот на годинашното жири, Шон Пен. На специјалните настани веќе неколку години наназад гостуваат значајни имиња кои имаат што да понудат и кажат, поместувајќи ја филмската уметност напред, кон иднината.
Portishead во „Мезанин“
Бристолските трип-хоп херои во меѓупросторот на Радио Равел, aктуелни со третиот албум едноставно насловен „Third“.
Рембрант меѓу темнината и сјајот
Едно од највпечатливите остварувања прикажани на 11 издание на СФФ дефинитивно беше „Ноќна стража“ на култниот британски режисер Питер Гринавеј. Стариот пријател на фестивалот пред неколку години во Скопје, преку одлично предавање во кое филмот го прогласи за мртов, ја најави својата нова, постмодерна фаза на дејствување, која тогаш ја заокружи со проекцијата на триделниот филм „Куферите на Тулс Лупер“. За среќа, по тој експеримент, Гринавеј се враќа на своја територија, снимајќи филм во кој, како и во неговите претходни остварувања од 80-те и 90-те години, на суптилен начин ги поврзува моќните визуелни уметности – сликарството и филмот. Впрочем, тоа воопшто и не зачудува, затоа што Гринавеј по вокација е сликар кој паралелно снима филмови и поставува изложби во најпрестижните музеи и галерии низ светот.
„Дени те чува“ во „Мезанин“ 235
„Се вртиме во круг“ е повод момците од „Дени те чува“ да бидат наши и Ваши гости во вечерашниот меѓупростор на Радио Равел. Ќе биде убаво.
Disciplina kicme во „Мезанин“ 234
Легендарниот Која и неговиот бенд во фокусот на вечерашниот меѓупростор на Радио Равел, вклучувајќи и интервју со г-нот Душан Којиќ.
Анархо-спиритуален сон за животот
На актуелното издание на Скопскиот филмски фестивал (29 март – 6 април) една од програмските содржини што предизвикува особен интерес кај публиката е „Sound and fury“, во чии рамки изминативе две години можевме да ги видиме прекрасните рок-документарци за „Пиксис“, „Рамоунс“, „Секс пистолс“… Оваа година фестивалскиот селектор ни ги подарува приказните за Филип Глас, Бридерс, Едо Маајка, Фадо музиката… И генерално, последниве години претходно малку подзаборавениот жанр како повторно да се враќа на сцената, веројатно поради промената на поимањето на музиката, кадешто Интернет-мрежата одигра голема улога, па бидејќи луѓето станаа гладни за вистински херои во чии ставови и светогледи и самите ќе се препознаат, започна екранизирањето на животот и делото на старите бунтовни музички волци како Боб Дилан, Џони Кеш, Леонард Коен… а во моментов и една дама е во фокусот, панк хероината Пети Смит.
Нил Јанг во „Мезанин“
Во 230 издание на меѓупросторот на Радио Равел, посвета на албумот Chrome dreams на ветеранот Нил Јанг.
