Филмскиот магазин „Филмополис“ се емитуваше 11 сезони на фреквенцијата на ТВ Телма, од 2003 до 2014 година. Препознатлива по својот авторски пристап, емисијата го следеше сето она што претставуваше квалитет во седмата уметност во светската кинематографија, со особен акцент на македонскиот филм. Неколкуте редовни рубрики како „Култна сцена“ и „Филмска музика“ во 500-те емисии имаа едукативен карактер. Се’ на се’, магазинот беше едно убаво медиумско искуство, за кое и ден-денес добивам убави коментари, но и жалење што емисијата не продолжи да се емитува во етерот.