Архива за категоријата: Музика

Радиото е мојата прва медиумска љубов, и како долгогодишен водител на музички емисии на Канал 103 и Радио Равел (1997-2009) продолжувам да ја следам музиката во сите нејзини возбудливи форми на изразување, пишувајќи за моите минати и моментни музички фасцинации ;-)

Њујоршка музичка сцена 1961-2001

Она што на 11 септември му се случи на Њујорк, главниот град на светот, можеби ќе се одразни на убавината на неговиот изглед, но секако не и врз неговиот дух. Во овој серијал осврт кон луѓето кои, живеејќи и инпспирирајќи се во/од овој град, создадоа цела енциклопедија од фантастична музика, чие влијание го чувствуваме и денес.

Читај повеќе

Кон албумот „Can our love…“ на Tindersticks

Директно од Нотингем, Англија, веќе десет години ни доаѓаат прекрасни смирувачки тонови преполни со артизам, меланхолија, драма, страст, софистицираност… Ваквиот спој на убавото со мистичното длабоко не’ убедува дека Ник Кејв, Таксидомун, Велвет андерграунд, Нил Јанг и Џој дивижн се патници чија крајна дестинација завршува во пазувите на Тиндерстикс.

Читај повеќе

Кон музиката за филмот „Hannibal“ на Hans Zimmer

Ова парче 54-минутна музика за филмот „Ханибал“ на Ридли Скот го потпиша еден од најпочитуваните композитори во филмската индустрија, Германецот Ханс Цимер. Неговата епопеја започна во средината на 80-те, кога заедно со Дејвид Брн и Ричи Сакамото ја направи музиката за култниот филм „Последниот кинески цар“ на Бернардо Бертолучи, која им донесе и неколку награди, но се чини дека почетоците на компонирање на музика за филм истовремено беа и достигнување на врвот на креативноста за Цимер, па останатите саундтраци беа само повторување на добро познатата формула (Црн дожд, Дождливиот човек, Возејќи ја г-ца Дејзи…).

Читај повеќе

Кон музиката за филмот „Crouching Tiger, Hidden Dragon“ на Tan Dun

Филмскиот бисер од последнава година, „Притаен тигар, скриен змеј“ на Анг Ли е звучно надополнет со уште еден музички бисер, саундтракот за филмот, кој содржи 15 теми компонирани од Тан Дан. Режисерот Ли кој има сериозен холивудски бекграунд („Sense and sensibility“, „The Ice storm“) сними приказна која претставува хибрид на тајванската и кинеската култура напишана на мандарински јазик, а Тан Дан, фантастично координирано, го надополни делото со звуци што елегантно се надоврзуваат на мултикултурните обрасци и влијанија при создавањето како на филмското, така и на музичкото дело како две засебни, но сепак комплементарни целини.

Читај повеќе

Албум на неделата: „Anarchy“ на Баста рајмс

Едно од повозбудливите музички изданија ова лето е новиот албум „Анархија“ на црниот хип-хоп проповедник Баста Рајмс. Тој е еден од неколкумината мејнстрим артисти чија популарност се зголеми во средината на 90-те, кога рап музиката стана светски тренд број 1. Неговиот договор со издавачката куќа „Electra records“ тече според предвиденото, па така секоја година добиваме нови „Баста стихови“, исполнети со измешани чувства: од повик кон борба на почетокот од кариерата, до крајно „кулирање“ на актуелнот албум.

Читај повеќе

Албум на неделата: „The Marshal Mathers“ на Еминем

Најактуелниот албум летово е новото студиско остварување „The Marshal Mathers“ на американската хип-хоп ѕвезда Еминем. Ова е негов втор албум, по дебито „Slim shady“ од минатата година, кога артистот го воодушеви светот со својот автентичен пристап кон овој популарен музички жанр. Можеби најшокантен е фактот што човекот кој многу пцуе и ги разобличува општествените аномалии во своите песни, не е Афро-Американец – туку белец!

Читај повеќе

Албум на неделата: „Silver and gold“ на Нил Јанг

На почетокот од летово излезе новиот соло албум на Нил Јанг насловен „Сребро и злато“ за Reprise records. Ова е негово трето студиско остварување за истата издавачка куќа во последнава декада по „Harvest moon“ (1992) и „Mirrorball“ (1995).

Читај повеќе

Албум на неделата: „NYC ghosts and flowers“ на Соник јут

„Вечните адолесценти“ од Њујорк, Соник јут, го издадоа своето 13-то по ред студиско остварување, посветено на „духовите и цвеќињата“ од нивниот матичен град. Албумот содржи девет теми во траење од 42 минути, што претставува можност за консумирање на материјалот во еден здив. Песните се компонирани во период од август до октомври минатата година, а снимени се во студиото на нивниот стар пријател Џим О’Рурк од октомври минатата до март оваа година. Албумот во музичките продавници се појави на 16 мај, а само по еден месец, критиките во музичките магазини се и повеќе од позитивни, што покажува дека „соничната“ работилница се’ уште има убави изненадувања низ специфични звуци за своите фанови ширум светот.

Читај повеќе

Scar Wash

Ова е третиот напис од серијалот текстови за македонската музичка сцена во 90-те, покрај оној за „Нашински звук“ и „Балкан експрес“. Ова интервју е правено на диктафон во автомобил на паркингот пред хотелот „Холидеј ин“, тогашен „Гранд хотел“, во центарот на Скопје.

Читај повеќе

Балкан експрес

Балкан експрес спаѓа меѓу најинтересните бендови во моментов на македонската алтернативна сцена, но баш и не се утепаа од работа и имаат многу малку снимки. Како и да е, со нив ја започнуваме малата серија на „рокенрол интервјуа“.

Читај повеќе