Градски парк, Природонаучен музеј, д-р Станко Караман – Скопје, есен 2019

Лудило! Веќе е 19 октомври, а дневната температура никако да падне под 25 степени. Вака ќе тера и следната недела. И додека ЕУ и „современиот Наполеон“  не’ зезаат по којзнае кој пат, повторно внесувајќи немир во нашите животи кои се обидуваме на ваков или онаков начин достоинствено да ги „издржиме“, околу нас си трае таканареченото „индијанско лето“, или по нашки, „ѓупско лето“, баш на средина од есента. Овој период од годината отсекогаш бил фасцинантен доколку се одлучите за безгрижна прошетка низ градскиот парк, бидејќи вакви нијанси на бои никогаш нема да сретнете во друг период од годината во центарот на метрополата.

Читај повеќе

Актуелните Нобеловци Токарчук и Хандке во издание на ИЛИ-ИЛИ

По минатогодишниот секс скандал кој ја потресе Шведската академија, која ја доделува награда за литература, во четвртокот беа доделени две Нобелови награди за 2018 и 2019 година. Носител на престижната награда за минатата година е полската авторка Олга Токарчук, која со години отворено се спротиставува на политиките на актуелната власт во својата земја, поради што таа е ставена „под мраз“, додека нејзиниот колега по перо Петер Хандке е годинашен добитник на наградата. Мислејќи дека овој пат ќе бидат поштедени од контроверзи, токму именувањето на австрискиот писател за лауреат предизвика бура од реакции кај многумина, бидејќи академијата писателот кој отворено застана на страната на Слободан Милошевиќ во 90-те го нарече „еден од највлијателните писатели во Европа“ . Со тоа се отвори дебата дали личноста треба да се одвои од неговото дело при доделувањето на една ваква особено значајна награда, или пак не.

„ИЛИ-ИЛИ“ отсекогаш имал чувство за квалитет, и дел од едицијата „ПРОаЗА“ се романите „Талкачи“ на Олга Токарчук (превод од полски на Лидија Танушевска) и „Стравот на голманот од пенал“ на Петер Хандке (превод од германски на Ива Фиданчева).

Читај повеќе

Наградените филмови на „КинеНова“ 2019

Според реакциите на публиката и медиумите, годинашното, четврто издание на „КинеНова“ донесе возбудлива програма, на задоволство на филмските сладокусци. Посетеноста на кино-проекциите и неколкукратното полнење на кинотечната кино сала беа доволен доказ за тоа. За мене претставуваше голема обврска, но и кеиф да се одделат најдобрите дебитантски остварувања и да се стават пред судот на посетителите и тричленото жири, кое исто така имаше само пофални зборови за понуденото.

Рускиот документарист Васили Мански како претседател, човекот за чиј филм „Путиновите сведоци“ имаше голем интерес и преполна сала, и членовите Јесим Устаоглу, турска режисерка, со која направивме многу фин муабет на сцена заедно со  ad hoc гостинот Влатко Стефановски, композиторот на музиката за нејзиниот филм „Патување до сонцето“, и Ана Хофман, селектор на „Форум“ програмата на Берлиналето, ги издвоија најдобрите, и ми се чини дека годинашните награди на „КинеНова“ отидоа во вистински раце за вистинските филмски перформанси.

Читај повеќе

Витали Мански – политика и филм!

Главна филмска „ѕверка“ на четвртото издание на „КинеНова“ е рускиот документарист Витали Мански. Тој пристигна во Скопје на 04 октомври, и веднаш од аеродром се појави на закажаната конференција за новинарите во очи на отворањето на фестивалот. Мански беше расположен за разговор, несебично впуштајќи се во објаснувања поврзани со неговиот филм „Путиновите сведоци“, кој минатата година победи во Карлови вари, и кој беше прикажан на „КинеНова“ како специјална проекција со присуство на авторот.

Читај повеќе

Богати програмски содржини на „КинеНова“ #4

Во засебен текст беа претставени седумте филмови во официјалната трка за наградите, но „КинеНова“ на филмофилите им нуди и останати атрактивни содржини на сребрениот екран. Еве што се’ содржат програмите на четвртото издание на фестивалот, кој стартува утревечер во киното „Милениум“ со двојна програма. Од 18 часот, за сите оние кои ја пропуштија „Петрунија“,  уште една проекција на наградуваниот филм на Митевска, а од 20 часот филмот на отворање, победникот во Карлови вари годинава, „Таткото“ на бугарскиот тандем Грозева/Валчанов. А пред нив – ексклузива, светска премиера на десетминутниот анимиран филм „Змијулче“ на Иванов/Гацова/Господиновски.

Читај повеќе

„Аб’т“ од Оливера Ќорвезироска

Денеска од печат излегува новата книга од Оливера Ќорвезироска насловена „АБ’Т“. По теориската „Еден текст и една жена“ (2016) и збирките раскази „(СО)шиени раскази“ (2017) и „Улиците што ги нема“ (2018), ова е четврта соработка на издавачката куќа „Или-Или“ со еминентната книжевна критичарка и писателка. По 14-годишна пауза и нејзиниот тогаш прв роман „Заклученото тело на Лу“ (Магор, 2005), Ќорвезироска повторно влегува во романескните води и ни го „подарува“ можеби нејзиниот најличен ракопис, како 175 книга во популарната едиција „ПРОаЗА“.

Читај повеќе

Седум фантастични деби филмови во трка за наградите на „КинеНова“

Драги љубители на седмата уметност,

четвртото издание на Интернационалниот фестивал на дебитантски филм „КинеНова“ ја има можеби најсилната програма досега. Ова особено важи за филмовите во официјалната конкуренција, кои се свет за себе. Со својот ангажиран став кон многу социјално-општествено-политички теми кои во моментов го тангираат светот, тие ќе ве воодушеват со својата брилијантност од секој аспект.

Еве ги сите седум филмови претставени на едно место, низ синопсис и трејлер, одлучете што ќе погледнете во Кинотека од 05 до 08 октомври, кога токму овие прекрасни остварувања на новите гласови во светскиот филм ќе бидат на фестивалската програма.

Читај повеќе

Overview – The Universal Nature of the Themes

in 25th Short Film Festival in Drama by Igor Angjelkov

As a long-standing fan and admirer of short films, I was very pleased to take part in the film festival in Drama. This beautiful small city in the eastern part of Greece, where you can feel and smell the sea salt in the air and in which the freshwater springs in the center give the city its tranquil and fresh atmosphere, was once again the host of the 25th edition of the renowned short film festival, which was full of film magic. The excellent organization did not leave room for any improvisation, the events were arranged impeccably, and the most fascinating thing was the energy of the attendants who had an opportunity to exchange their experiences, which might lead to future film project collaborations. The importance of this festival as part of the festival map in Greece was evidenced by the attendance of the new Minister of Culture, who, as any politician would, promised to establish a film university in Drama, alongside the restoration of the old tobacco factory into a modern cinema.

Читај повеќе

„Драма“ во Драма – премногу добри филмови на едно место!

42 издание на филмскиот фестивал понуди мноштво од квалитетни остварувања во сите конкуренции и навистина беше уживање  да се присуствува овие седум септемвриски фестивалски денови во Драма

Читај повеќе

Исклучителни филмови на 4-то издание на „КинеНова“

„КинеНова“ и официјално ја објави програмата на своето четвртото по ред издание на Интернационалниот фестивал на дебитантски филм, кој годинава ќе се одржува од 05 до 13 октомври во Кинотека. Исклучок е единствено отворањето на фестивалот во киното „Милениум“ на 04 октомври, со филмот-победник на годинашното издание на фестивалот во Карлови Вари, „Таткото“ на бугарскиот тандем Катерина Грозева и Петар Валчанов. Седумте филмови во официјалната селекција од кои на крајот жирито ќе ги избере најдобрите, надополнети со неколку возбудливи споредни програми, се вистински мамец за филмските сладокусци и оваа година да го посетат фестивалот и да уживаат во понудената порција од совршени филмски колачиња.

Читај повеќе